Langsung ke konten utama

Pidato Pasambahan Siriah_2

Oleh: Nasrul Anwar Dt. Barbanso


Si Alek

Sarancak nangko lah ladangnyo
Jo a lah ka ambo tabeh
Barang nan tabeh ditabehkan
Barang nyo jalo di jalokan
Kanai lah anak tali-tali
Sarancak nangko lah datangnyo
Joa lah ka ambo baleh
Barang nan baleh dibaleh kan
Barang nan ado di adokan
Kok indak kama ka pai

Iyo ka balai kami cako
Tasabuang ayam kulabu
Iyo talali kami tibo
Jalan bakelok bakeh lalu

Badaga batang sitindiah
Si ciko di dalam padi
Tadang sutan manyiriah
Alangkah suko hati kami

Ramo ramo tabang malayang
Malayang ka koto tangah
Banyak nan ampek puluah ampek
Indah carano bukan kapalang
Talatak ditangah-tangah
Di lingkuang urang nan rapek
Pandai bana sutan manatiang carano nangko
Banamo carano basa, indah carano bukan kapalang
Ba ukia bam ego-mego
Ba tutuik ka sumbo romin
Carano nan datang dari banjar

Lorong kapado siriah nyo
Siriah udang tampak ari
Buahnyo intan jo pidi
Bungonyo jarang basuo
Makanan anak rajo-rajo
Makanan sutan bagindo
Pamenan niniak jo mamak
Satahun dalam pangguluang
Samusim dalam pangabek
Usah ka ratak ratai pun tido
Usah ka layua batambah iduik
Tampuaknyo baitu juo
Ruponyo batambah mudo
Bak nantun bana siriah rang siko

Lorong kapado pinangnyo
Piang dasun di balah duo
Pinang biluluak di balah ampek
Tumbuahnyo di rusuak rumah
Tingginyo jangkau-jangkauan
Satahun tupai mamanjek alunlah sampai kabuahnyo
Jatauh ka bawah jadi ambun
Banamo si ambun suri
Suri tauladan karib kabiah
Jadi padoman rang kampuang

Lorong pulo pado sadahnyo
Sadahnyo langkitang gadang
Satahun di panggang bugih
Samusim di linggar cino
Ba kipeh jo ambai-ambai
Babasuah jo aia bungo
Ba turap jo pati santan
Ba palik jo jari manih
Ba kisa ka jari tangah
Mambayang ka tapak tangan
Sapalik sakati limo
Sakadam sapuluah ameh
Di haragoi tak taharagoi
Antah satimbang jo nagari
Baitu bana sadah rang siko

Lorong pulo pado gambianyo
Gambianyo aluih caro silayang
Di abuih jo pucuaknyo
Pucuaknyo merah alang ka palang
Gadang sansaro di tangguangnyo
Ba kapik ba kampo pulo
Buatan puti sari lamak
Sa pipia jatuah ka siriah
Mambayang sampai ka mungko
Sarinyo naiak ka paroman
Iyo bak nantun gambia rang siko

Lorong kapado santonyo
Santonyo haluih bak banang suto
Tumbuahnyo di tanah ruhun
Capuaknyo panau bidodari
Di saiak sisanti alam
Ma ampai sisanti kayo
Sa eto panjang jaluanyo
Sa jangka di lolak api
Usah ka luak lambang lai tido
Asok mambubuang ka udaro
Harum satahun palayaran

Rang kamang mangumpa banang
Di kumpa-kumpa di lipek
Di lipek lalu di patigo
Jikok dirantang amuah panjang
Elok dikumpa naknyo singkek
Singkek sakiro ka paguno

Tabang barabah ka muaro
Batang si tawa di inggok i
Sambuiklah sambah dari ambo
Kok gawa tolong ampuni

Badia si japun Bangka ulu
Panembak unggan di kualo
Maaf di mintak ka panghulu
Pasambahan kumbali ka juaro
Label:

Komentar

Posting Komentar

Postingan populer dari blog ini

29. Tata Upacara Adat Minangkabau: Upacara Batagak Pangulu

UPACARA BATAGAK PANGULU Salah satu upacara atau alek ( ceremony ) adat Minangkabau yang paling sakral yang mendapatkan perhatian dan perlakukan khsus adalah Batagak Pangulu atau ada juga yang menyebutnya Batagak Gala .  Upacara ini merupakan peristiwa pentasbihan dan pengambilan atau pengucapan sumpah serta janji seorang Pangulu pada saat ia diangkat dan dinobatkan sebagai pemimpin kaum yang bergelar Datuak. Upacara adat ini sesuai dengan ajaran Islam sebagaimana firman Allah mengingatkan: Sesungguhnyan orang-orang yang menukar janji ( nya dengan Allah ) dan sumpah-sumpah mereka dengan harga yang sedikit maka mereka itu tidak mendapat bahagian dari ( pahala ) di akhirat, dan Allah tidak akan berkata-kata dengan mereka dan tidak akan melihat kepada mereka pada hari kahirat dan tidak ( pula ) akan menyucikan mereka. Bagi mereka adalah azab yang pedih (QS:3:77). Pada bagian lain Allah juga mengingatkan: “ Dan janganlah kamu mengikuti orang yang selalu bersumpah, lagi yang hina ” (QS 6...
Posting Komentar
Baca selengkapnya

Adat sopan santun orang Minangkabau

[caption id="" align="aligncenter" width="700"] Gambar: https://upload.wikimedia.org/wikipedia [/caption] Dalam suasana hari raya ini berkenankah engku, rangkayo, serta encik sekalian kami bawa melancong ke masa silam. Baru-baru ini kami mendapatkan sebuah kutipan pada sebuah buku dari tulisan seorang ahli perilaku (etiket) pada masa dahulunya di Minangkabau. Dikarang oleh B. Dt. Seri Maharajo dengan judul  Kitab 'Adat Sopan Santoen Orang Minangkabau  yang diterbitkan oleh Penerbit Merapi & Co  pada tahun 1922 di Bukit Tinggi. Kutipan tersebut memuat uraian pada halaman 75-80 sebagai berikut: 1. Apabila duduk bersama-sama tak boleh terkentut 2. Kalau menguap harus menutup mulut dengan tangan yang terkerucut 3. Apabila pergi ke jamban (untuk buang air besar) perlulah menutup kepala, memakai terompah, dan jangan terbuka aurat sebelum masuk jamban. Jangan bercakap-cakap, jangan pula menyahuti panggilan (seruan orang) melainkan dengan batuk kecil-keci...
Posting Komentar
Baca selengkapnya

SMP nan diperbaiki

[caption id="attachment_505" align="alignleft" width="300"] Keadaan SMP ketika beberapa masa yang lalu kami ambil gambarnya. [/caption] Pada saat pulang kampung nan dahulu, kami tak sengaja melihat pemandangan mengharukan yakni telah terjadi renovasi pada sekolah SMP yang terletak di perbatasan Kamang (Pintu Koto) dan Magek. Terkejut kami karena bangunan lama telah hilang dan sedangkan bangunan baru sedang dalam tahap pengerjaan. Mungkin saat ini telah selesai dikerjakan orang. Sungguh kami mengutuki diri sendiri, kenapa dahulu tak diambil gambar rumah sekolah ini. Sama kiranya ketika kami mendapati bahwa Pakan Salasa telah dirubuhi orang dan digantikan dengan bangunan baru. Kamipun tak memiliki gambar bangunan Pakan Salasa nan lama, hilang sudah salah satu sejarah di nagari kita. Terdapat dua sekolah menengah di kampung kita yakni SMP dan MTsN atau biasa kita sebut dengan Sanawiyah. Rumah Sikola SMP ini lebih dikenal dengan nama SMP Magek, karena meman...
Posting Komentar
Baca selengkapnya