Langsung ke konten utama

Pidato Pasambahan Siriah_1

[caption id="" align="alignleft" width="400"] Ilustrasi gambar: Artalentalle[/caption]

Si Pangka

Jam gadang di Bukittinggi
Kurai Taji di Pariaman
Sambuiklah salam dari kami
Kaganti kito bajawek tangan

Assalamu'alaikum Warahmatullahi Wabarakatu

Mulonyo jalo diserakkan
Kanai kulari nan bapalun
Mulonyo kato disambahkan
Jari sapuluah nan ambo susun

Dari japun handak ka japun
Cino mamuek pacah balah
Ampun baribu kali ampun
Ampunlah ambo niniak mamak nan gadang basa batuah

Lah panek kami babensi
Rabab talatak di pamatang
Lah panek kami mananti
Sutan nan indak kunjuang datang

Rubiyah pandai manjaik
Putuih suto uleh kulindan
Nan bak sawah babanda langik
Putiah mato mananti ujan
Apo badakak dipalano
Parmato jatuah ka lambah
Duduak ambo lai batanyo
Tagak ambo mambilang sambah

Sambah di Allah shalawat di Nabi
Sambah kabanaran saidina alam
Mako diurah sagalo tambo nabi adam
Ateh duo, tigo, ampek jo limo

Ado kalonyo sambah ayat
Ado kalonyo sambah alamat
Ado kalonyo sambah malayu
Tampek manyambah rajo-rajo

Ateh balai balerong panjang
Salingka jorong salingka Korong
Tampek pamedan panghulu kito
Bungo satangkai nalo-nali
Harum sataun palayaran
Maraok buruang di udaro
Ateh bungo maso itu

Umpamo gombak ateh kapalo
Umpamo parmato intan ateh ameh
Umpamo sitawa jo sidingin
Umpamo kumpai jo cikarau dalam nagari

Umpamo kayu gadang di tangah koto
Ureknyo taguah ka bumi
Pucuaknyo cewang ka langik
Rantiangnyo perak aso-aso
Buah manjadi buah palo
Bungo manjadi bungo cangkeh
Gadang batang tampek basanda
Ureknyo tampek baselo
Rimbun daun tampek balinduang

Tampek pangulu main alua
Tampek tuanku main kitab
Tampek nan mudo ba sanda gurau
Tampek nan rusuah ba ibo hati

Bunyi galak badarai-darai
Bunyi undang ba buah-buah
Bak cando rahmat turun ka dunia
Di sangko dunia lai ka kaka
Karambia di tangah padang
Tumbuah di batu nan ta tagak
Tampak nan dari indo giri
Tantangan taluak rang malako
Jikok dunia alah takambang
Jikok medan alah tarapak
Kok adat alah badiri
Di ateh rumah nangko

Apolah nan jadi adat dalam nagari
Siriah bacabiak pinang bagatok
Kulansiang balapeh, padahan tibo
Timbakau bajujuik kapua basah

Rang alak koto di alai
Iliakan sawah di aro
Nampak di batu nan tatagak
Kok banyak siriah di badai
Saketek dalam carano
Rila jo maaf kami pintak

Anak urang sungai balansiang
Ba tuduang-tuduang kakarakok
Nak ilia ka balai gurah
Siriah nak mintak di guntiang
Pinang nak mintak digatok
Talatak dalam carano, sakian ambo maantakan sambah
Tarantang tali tarantang
Tarantang tali ka tandikek
Di ladang anak urang koto tuo
Jikok dirantang namuah panjang
Elok dikumpa naknyo singkek
Singkek sakiro ka paguno

Tabang barabah ka muaro
Batang si tawa di inggok i
Sambuiklah sambah dari ambo
Kok gawa tolong ampuni

Badia si japun Bangka ulu
Panembak unggan di kualo
Maaf dimintak ka pangulu
Pidato baleh dek juaro
Label:

Komentar

Posting Komentar

Postingan populer dari blog ini

Katam Kaji

[caption id="attachment_779" align="alignright" width="300"] Salah satu gambar yang kami dapat dari kampung[/caption] Terdengar oleh kami telah tiba pula musim Katam Kaji [1] di kampung kita. Pada hari Ahad yang dahulu (22 Juni 2013) kami dengar kalau orang di Surau Tapi yang ba arak-arak. [2] Kemudian pada hari Kamis yang lalu (27 Juni 2013) tiba pula giliran orang Joho dan sekarang hari Ahad (30 Juni 2013) merupakan tipak [3] orang Koto Panjang yang berarak-arak. Memanglah pada pekan-pekan ini merupakan pekan libur sekolah bagi anak-anak sekolah. Telah menerima rapor mereka. Memanglah serupa itu dari dahulu bahwa Katam Kaji dilaksanakan oleh orang kampung kita disaat libur sekolah. Namun ada juga yang berlainan, seperti orang Dalam Koto yang akan melaksanakan selepas Hari rayo Gadang [4] dan Orang Taluak yang kabarnya akan mengadakan selepas Hari Raya Haji . [5] Kami tak pula begitu jelas pertimbangan dari kedua kampung tersebut. Mungkin engku dan
1 komentar
Baca selengkapnya

29. Tata Upacara Adat Minangkabau: Upacara Batagak Pangulu

UPACARA BATAGAK PANGULU Salah satu upacara atau alek ( ceremony ) adat Minangkabau yang paling sakral yang mendapatkan perhatian dan perlakukan khsus adalah Batagak Pangulu atau ada juga yang menyebutnya Batagak Gala .  Upacara ini merupakan peristiwa pentasbihan dan pengambilan atau pengucapan sumpah serta janji seorang Pangulu pada saat ia diangkat dan dinobatkan sebagai pemimpin kaum yang bergelar Datuak. Upacara adat ini sesuai dengan ajaran Islam sebagaimana firman Allah mengingatkan: Sesungguhnyan orang-orang yang menukar janji ( nya dengan Allah ) dan sumpah-sumpah mereka dengan harga yang sedikit maka mereka itu tidak mendapat bahagian dari ( pahala ) di akhirat, dan Allah tidak akan berkata-kata dengan mereka dan tidak akan melihat kepada mereka pada hari kahirat dan tidak ( pula ) akan menyucikan mereka. Bagi mereka adalah azab yang pedih (QS:3:77). Pada bagian lain Allah juga mengingatkan: “ Dan janganlah kamu mengikuti orang yang selalu bersumpah, lagi yang hina ” (QS 6
Posting Komentar
Baca selengkapnya

Luak Gadang & Luak Kaciak

Luak , begitu sebagian orang Minang menyebutnya. Atau orang sekarang lebih mengenalnya dengan sebutan sumua atau sumur. Luak adalah sumber untuk mengambil air bagi sekalian orang, sebelum dikenalnya sistim penyaluran air oleh PDAM (Perusahaan Daerah Air Minum) sekarang. Pada masa sekarang, hampir sekalian rumah di Kamang memiliki luak namun tidak demikian pada masa dahulu. Dahulu luak hanya dimiliki oleh sebagian keluarga dan itupun tidak berada di dekat rumah melainkan agak jauh dari rumah. sehingga menyebabkan untuk mengambil air orang-orang harus berjalan agak jauh. [caption id="attachment_749" align="alignleft" width="300"] Luak Gadang[/caption] Adalah Kampuang Lubuak sebuah kampung di Jorong Nan Tujuah di Kamang. Kampung ini memiliki luak kampung yang bernama Luak Gadang dan Luak Kaciak. Kedua luak ini memiliki kegunaan (fungsi) yang berbeda. Luak Gadang berguna untuk mencuci dan mandi sedangkan Luak Kaciak berguna untuk mengambil air minum
3 komentar
Baca selengkapnya