Kepribadian Minang III-Tarikh

[caption id="" align="aligncenter" width="717"] Gambar: https://id.wikipedia.org[/caption]

Bismillahirrahmanirrahim

Sebagai setumpuak dari rumpun ras Melayu,[1] Minangkabau lah lao dikenal di kawasan Asia Tenggara, bahkan hampia di seluruh dunia peradatan di Timur ataupun di Barat. Jauah sabalun bangso-bangso Eropah manjalajah ka Asia Timur atau kabulakang lai sabalun urang-urang India, Parsi jo Tiongkok tibo di Kepulauan Nusantara, Minangkabau ko lah tasabuik-sabuik juo. Akan tetapi sampai kini alun ado berita sejarah nan terperinci mengenai kerajaan Minangkabau kuno. Banyak pertanyaan nan alun terjawab:

1. Pabilo masonyo Minangkabau muncul di Sumatera?

2. Sia pendirinyo? Siapo rajo-rajonyo?

3. Sampai dimana wilayah taklukannyo?

4. Baa bantuak pemerintahannyo?

5. Dan lain-lain sebagainya.

Ndak surang pun ahli sejarah nan bukak suaro, apo buliah buat.

Kalaulah kito batanyo kapado tuan-tuan para ahli, "Apo sabab katarangan tantang nagari kami kalam tuan? Seakan-akan kami ko ndak pernah ado dahulunyo?"

Mako spontan mereka akan menjawab, "Karena nagari angku indak maninggakan bukti-bukti ilmiah sabagai bahan penyelidikan sejarah".

Memang, memang Minangkabau sangat minim jo prasasti dan nan paliang parah kito ndak punyo tulisan seperti halnyo Suku Jawa, Suku Batak, Lampung dan Bugis, nan mancatat parjalanan sajarah nagarinyo. Untuang sajolah ado sabuah candi batulisan Jawa Kuno di Sungai Lansek nan manarangkan kedatangan Aditiawarman ka tanah Minang. Kini candi itu dilatakkan di Museum Nasional Jakarta.[2]

Nah, itulah hanyo nan bajaso maninggakan bukti bahwa Minangkabau pernah jaya pado awal abad ke-14 M. tapi sasudah itu, hilang lanyok pulo curitonyo sampai kemudian urang Eropah masuak ka Sumatera Barat.

Dunsanak pandanga, Ambo ingin mangatokan bahwa sabananyo Minangkabau punyo sumber sejarah nan bisa dipertanggung jawabkan. Sumber nan tak kalah nilainyo dari satumpuak candi-candi, prasasti, atau tulisan-tulisan purbakala, Apo itu? Iyolah Tambo dan Kaba. Tapi sabalun kalimat Ambo agiah, para ahli sejarah akan membantah bahwa pandapek itu adolah ndak masuak aka, pandapek ngawur, asbun,[3] bakatai-katai caro awaknyo.

Sabab baa mako itu, Tamdo atau Kaba tak lain dari kumpulan curito-curito legenda, atau setidak-tidaknyo manuruik salah satu buku nan pernah ambo baco, bahwa tambo barisi 98% dongeng nan 2 % sejarah. Hanyo 2%, ndak labiah. Mako kasimpulannyo, para sejarawan dan budayawan sapandapek manatapkan pada dasarnyo tambo hanyalah sebagai hikayat dari zaman antah barantah, antah iyo antah indak, tapi banyak bohongnyo.

Bukti, dicuritokan dalam tambo Niniak Mamak urang Minangkabau adolah Dt. Maharajo Dirajo, baliau ko adiak bungsu dari ba tigo badunsanak. Kakaknyo nan tangah bagala Maharajo Dipang, nan turun ka Benua Cino. Nan tuo bagala Maharajo Alif, asal muasalnyo banso Rum. Ayah mereka adolah Rajo Iskandar Zulkarnain bin Ziis AS., nan dikawinkan jo bidadari di dalam sarugo tujuah pangkek. Sadangkan Ziis AS.[4] ko adolah salah saorang anak Adam nan kurang maso ampek puluah, bitu kisah dalam tambo.

______________________

Tulisan ini disalin dari blog dr. H.K. Suheimi dengan alamat http://suheimi.blogspot.com yang diterbitkan pada hari Selasa tanggal 06 Juni 2007 pukul 20.05 . Silahkan klik alamat blog untuk menuju tulisan asli.

__________________________

Catatan Kaki [Oleh Tuanku Bajangguk Itam] :

[1] Walau tidak memakai kata Melayu di depan namanya, Minangkabau merupakan bagian dari keluarga besar Suku Melayu.

[2] Yang dimaksud Candi Sungai Lansek ialah Candi Padang Roco yang terletak di Jorong Sungai Lansek, Nagari Siguntur, Kecamatan Sitiung, Kabupaten Dharmasraya. Sedangkan yang diletakkan di Museum Nasional sekarang ialah patung atau arca yang dikenal dengan nama Bhairawa yang diduga sebagai perwujudan dari Adityawarman.

[3] Ngawur berasal dari Bahasa Jawa yang berarti asal-asalan sedangkan Asbun merupakan singkatan dari dua kata "Asal Bunyi" yang populer penggunaannya pada masa 1980an s.d 1990an.

[4] Zis atau Syis atau Syits adalah anak bungsu Nabi Adam yang kemudian dinikahkan dengan bidadari dari Syurga. Beliau ialah nabi kedua setelah ayahnya Adam tapi bukan rasul.