Gambar: https://blogminangkabau.wordpress.com[/caption]Kemudian menyusul hak dan kewajiban antaro kaduo balah pihak, sarato pambagian tugas nan tapisah manuruik kadudukan masing-masing. Sajak manusia tingga diguo-guo sampai kapado mangenal peradaban bahkan taruih ka zaman teknologi kini nangko.
Ruponyo pambagian wewenang itu masih tampak nyato walau bateh dan versinyo mangalami perubahan-perubahan. Sekalipun akhirnyo pihak parampuan menginginkan persamaan hak. Nan sabagian lah dicapainyo tapi mustahil malawan kodrat sebab kodrat itu hadir tanpa dimintak dan tanpa dituntuik. Itu sababnyo perjuangan emansipasi kadang-kadang taraso tidak adil karano wanita ndak pernah manuntuik persamaan kawajiban.
Akan pincanglah jalannyo masyarakat sakironyo hak disamakan sadangkan kawajiban ndak saimbang. Dalam kontek iko Minangkabau menganut kaidah tersendiri, yaitu mambarikan seluruh apo nan manjadi hak-hak parampuan sasuai dengan kodratnyo pulo.
Hak perlindungan keamanan, hak pelayanan ekonomi, kedudukan sosial dan lain sabagainyo nan kasadonyo lah lamo dimiliki Parampuan Minang. Oleh sebab itu tokoh-tokoh parampuan nan mengobarkan peran emansipasi ndak pernah muncul ditanah Minang,
Karano memang tidak dibutuhkan, untuak apo manuntuik sasuatu nan lah ado dalam genggamannyo. Adat nan marupokan peraturan tatinggi dalam masyarakat terlalu banyak mambarikan fasilitas dan subsidi kepada Parampuan.
Rumah gadang secara gratis disuruah tunggu ndak kamanyeo[menyewa] ndak kamangontrak, seluruh hasil harato pusako makanlah minumlah pakailah. Nak [hendak] basuami dilamarkan sampai pun katurunan manuruik garis keibuan.
Kurang apolai parampuan ditanah baradab ko. Hanyo satu nan tak pernah lapeh dari tangan yaitu kekuasaan walaupun kadang-kadang urang laki-laki sampai mangalah ka rantau urang demi kesejahteraan dunsanak kamanakan. Namun kato putuih ado ditangan mamak, parampuan Minang tidak mengatur, tetapi diatur mereka hanyo punyo hak pakai, bukan memiliki.
Biapun kunci ado dipinggang, tapi rangkiang indak ka dibukak oleh parintah siapopun kecuali suruahan mamak. Sabaliaknyo mentang-mentang punyo kuaso seorang mamak ndak buliah saleluaso maambiak padi sabalun ado persesuaian dari bundo urang padusi.
Ndak berhak jadi penghulu, namun penghulu alun ka tagak kalau para bundo kanduang sapakaiak. Indak manarimo baitu sapanjang adait dipusako, takalau cindua mato dihadapkan sebagai terdakwa karano manculiak Puti Bungsu dari Sungai Ngiang.[1]
Seharusnya Bundo Kanduang salaku kapalo pemerintahan berhak memberikan kato hukum. Tapi kasus pelanggaran adat itu diadili oleh Basa Ampek Balai,[2] lembaga yudikatif, nan sadonyo terdiri dari laki-laki. Nan tantu sajo ateh restu dan pertimbangan sang ratu Bundo Kanduang.
____________________________________________________
Tulisan ini disalin dari blog dr. H.K. Suheimi dengan alamat http://suheimi.blogspot.com yang diterbitkan pada hari Jum’at tanggal 18 Juni 2007 pukul 15.50 . Silahkan klik alamat blog untuk menuju tulisan asli.
___________________________________________________
Catatan Kaki:
[1] Legenda Cindua Mato
[2] Basa Ampek Balai ialah majelis atau dewan yang berada di bawah Rajo Tigo Selo. Terdiri atas tiga orang pembesar yakni:
1) Tuanku Bandaro yang berkedudukan di Nagari Sungai Tarab
2) Tuanku Kadi yang berkedudukan di Nagari Padang Gantiang
3) Tuanku Indomo yang berkedudukan di Nagari Saruaso
4) Tuanku Mangkhudum yang berkedudukan di Nagari Sumaniak
kemudian ditambah dengan Tuan Gadang yang berkedudukan di Nagari Batipuah
Komentar
Posting Komentar